Алоуддин Мансур — 534

55:70 У (жаннат)ларда хушхулқ ва гўзал юзли (аёл)лар бордир.

55:71 Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

55:72 (Улар) чодирларда асралган ҳурлардир.

55:73 Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

55:74 Уларга (жаннат аҳлидан) илгари на бир инс ва на бир жин тегингандир.

55:75 Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

55:76 (Жаннат аҳли у жаннатларда) яшил болишлар ва гўзал гиламлар устида ястанган ҳолларида (ўлтирурлар).

55:77 Бас, (эй инсонлар ва жинлар), Парвардигорингизнинг қайси неъматларини ёлғон дея олурсизлар?!

55:78 Буюклик ва карам соҳиби бўлган Парвардигорингизнинг номи баракотли — буюкдир.

56:1 Қачон Воқеа — Қиёмат воқеъ бўлса,[1]

56:2 У воқеъ бўлган чоғда бирон ёлғон сўзлагувчи бўлмас.

56:3 (Қиёмат кофирларни дўзахга дучор этиш билан) паст қилгувчи, (мўминларни эса жаннатга киритиш билан) баланд қилгувчидир.[2]

56:4 (У кунда) Ер (қаттиқ) ларзага келди;

56:5 Тоғлар титилди;

56:6 Ва чанг-тўзонга айланди.

56:7 Ва сизлар уч синф-тоифа бўлиб қолдингизлар.

56:8 Бас, (у уч тоифадан биринчиси) ўнг томон эгаларидир. Ўнг томон эгалари (бўлмоқ) не (саодат)дир![3]

56:9 (Иккинчи тоифа) шум-чап томон эгаларидир. Шум-чап томон эгалари (бўлмоқ) не (бахтсизлик)дир!

56:10 (Учинчи тоифа бўлмиш барча яхши амалларга) пешқадам бўлгувчи зотлар (жаннат неъматларига эришишида ҳам) пешқадам бўлгувчи зотлардир!

56:11 Ана ўшалар (Аллоҳ таолога) яқин қилингувчилардир.

56:12 (Улар) ноз-неъмат боғларидадирлар.

56:13 (У пешқадамлар) аввалги (уммат)лардан кўпчилик,

56:14 кейингилардан (яъни, Муҳаммад алайҳис-салоту вас-салом умматларидан) эса оздир.[4]

56:15 (Улар олтиндан) тўқилган сўриларда

56:16 ястанган ҳолларида бир-бирларига рўбарў бўлиб (ўлтирурлар).