مۇھەممەد سالىھ — 595

90:19 بىزنىڭ ئايەتلىرىمىزنى ئىنكار قىلغانلار بەتبەختلەردۇر(19).

90:20 ئۇلار دوزاخقا سولىنىدۇ(20).

91:1 قۇياش ۋە ئۇنىڭ نۇرى بىلەن قەسەمكى(1)،

91:2 قۇياشقا ئەگەشكەن چاغدىكى ئاي بىلەن قەسەمكى(2)،

91:3 قۇياشنى ئاشكارا قىلغان كۈندۈز بىلەن قەسەمكى(3)،

91:4 قۇياشنى يوشۇرغان چاغدىكى كېچە بىلەن قەسەمكى(4)،

91:5 ئاسمان بىلەن ۋە ئۇنى بىنا قىلغان زات بىلەن قەسەمكى(5)،

91:6 زېمىن بىلەن ۋە ئۇنى بىنا قىلغان زات بىلەن قەسەمكى(6)،

91:7 نەپس بىلەن ۋە ئۇنى چىرايلىق قىلىپ ياراتقان، ئۇنىڭغا ياخشى ـ يامانلىقنى بىلدۈرگەن زات بىلەن قەسەمكى(7ـ8)،

91:8 نەپس بىلەن ۋە ئۇنى چىرايلىق قىلىپ ياراتقان، ئۇنىڭغا ياخشى ـ يامانلىقنى بىلدۈرگەن زات بىلەن قەسەمكى(7ـ8)،

91:9 نەپسىنى پاك قىلغان ئادەم چوقۇم مۇرادىغا يېتىدۇ(9).

91:10 نەپسىنى (كۇفرى ۋە پىسقى ـ فۇجۇر بىلەن) كەمسىتكەن ئادەم چوقۇم نائۈمىد بولىدۇ(10).

91:11 سەمۇد ھەددىدىن ئاشقانلىقى ئۈچۈن (پەيغەمبەرنى) ئىنكار قىلدى(11).

91:12 ئەينى زاماندا سەمۇدنىڭ ئەڭ بەتبەخت ئادىمى (مۆجىزە بولۇپ كەلگەن تۆگىنى) ئۆلتۈرۈشكە ئالدىرىدى(12).

91:13 ئۇلارغا ئاللاھنىڭ پەيغەمبىرى (يەنى سالىھ ئەلەيھىسسالام): «ئاللاھنىڭ تۆگىسىگە چېقىلماڭلار، ئۇنى سۇ ئىچىشتىن توسماڭلار» دېدى(13).

91:14 ئۇلار پەيغەمبەرنى (يەنى سالىھ ئەلەيھىسسالامنى) يالغانچى قىلدى، تۆگىنى ئۆلتۈردى، گۇناھى تۈپەيلىدىن ئاللاھ ئۇلارنى تەلتۆكۈس ھالاك قىلدى، ئومۇميۈزلۈك ھالاك قىلدى(14).

91:15 ئاللاھ ئۇنىڭ (يەنى ئۇلارنى ھالاك قىلغانلىقنىڭ) ئاقىۋىتىدىن قورقمايدۇ(15).

92:1 قاراڭغۇلۇقى ئالەمنى قاپلىغان كېچە بىلەن قەسەمكى(1)،

92:2 يورۇغان چاغدىكى كۈندۈز بىلەن قەسەمكى(2)،

92:3 ئەر ـ ئايالنى ياراتقان زات ئاللاھ بىلەن قەسەمكى(3)،

92:4 سىلەرنىڭ ئەمەلىڭلار شەك ـ شۈبھىسىز خىلمۇخىلدۇر(4).

92:5 (پۇل ـ مېلىنى ئاللاھنىڭ رازىلىقى ئۈچۈن) سەرپ قىلغان، تەقۋادارلىق قىلغان، (كەلىمە تەۋھىدنى) تەستىق قىلغان ئادەمگە كەلسەك(5ـ6)،

92:6 (پۇل ـ مېلىنى ئاللاھنىڭ رازىلىقى ئۈچۈن) سەرپ قىلغان، تەقۋادارلىق قىلغان، (كەلىمە تەۋھىدنى) تەستىق قىلغان ئادەمگە كەلسەك(5ـ6)،

92:7 ئۇنىڭغا بىز ياخشى يولنى مۇيەسسەر قىلىپ بېرىمىز(7).

92:8 بېخىللىق قىلىپ (ئاللاھنىڭ ساۋابىدىن) ئۆزىنى بىھاجەت ھېسابلىغان، كەلىمە تەۋھىدنى ئىنكار قىلغان ئادەمگە كەلسەك(8ـ9)،

92:9 بېخىللىق قىلىپ (ئاللاھنىڭ ساۋابىدىن) ئۆزىنى بىھاجەت ھېسابلىغان، كەلىمە تەۋھىدنى ئىنكار قىلغان ئادەمگە كەلسەك(8ـ9)،