محمد صالح بامۆکی — 585

80:1 (پێغەمبەر ﷺ) ڕووی گرژ کرد وپشتی ھەڵکرد

80:2 کە کوێرێك (عەبدوڵڵای کوڕی ئوم مەکتوم) ھات بۆ لای

80:3 تۆ چووزانیت؟ بەڵکو ئەو(کوێرە) بیەوێ پاك ببێتەوە

80:4 یان بیری بکەوێتەوە(ئەوەی کە لە بیری چۆتەوە) ئەمجا ئەو بیر کردنەوەیە سوودی پێ بگەیەنێت

80:5 کەچی ئەوەی کە خۆی بێ نیاز دەزانێت (مەبەست پێی بت پەرستەکانی قوڕەیشە)

80:6 تۆ ڕووی تێ دەکەیت

80:7 وە ھیچ لەسەر تۆ نیە کە ئەو بێ باوەڕە خۆی پاك نەکاتەوە

80:8 بەڵام ئەو کەسەی کە بەپەلە دێ بۆ لات

80:9 وە لەخوا دەترسێت

80:10 تۆ خۆتی لێ ھەڵە دەکەیت

80:11 وا مەکە! بێ گومان ئەو ڕێنمونیانەی(کەبۆت ھاتووە) بێدارکەرەوەی(ئادەمی) یە

80:12 ئەمجا ئەو کەسەی بیەوێت یادی خوا دەکات

80:13 (کە ئەو ڕێنمونیانەش نوسراونەتەوە) لە چەند پەڕەیەکی بەڕێز وپیرۆزدا

80:14 پایە بڵندی پاك

80:15 کە بەدەست نوێنەرانی

80:16 بەڕێزی خێر خواوەن

80:17 بەکوشت چێت(خراپترین نەفرینی لێ بێ) ئادەمی، چەند پێ نەزان وسپڵەیە

80:18 (بییرناکاتەوە بزانێت کە) خوا لە چی دروستی کردووە؟

80:19 لەدڵۆپێك ئاو دروستی کردووە وڕێکی خستووە

80:20 لە پاشان ڕێگای(چاك وخراپی) بۆ ئاسان کردووە

80:21 ئەمجا دەیمرێنێت ودەیخاتە گۆڕەوە

80:22 لە پاشان کاتێك کە وویستی زیندووی دەکاتەوە

80:23 بەڕاستی ئەوەی کە خوا فەرمانی پێداوە ھێشتا (ئادەمیی) بەجێی نەھێناوە

80:24 دەبا مرۆڤ سەیری خواردەمەنیەکەی بکات

80:25 بەڕاستی ئێمە لە ھەورەوە بارانمان داڕژاند چۆن داڕژاندنێك

80:26 لە پاشان زەویمان لەت لەت کرد (بەگیا) چۆن لەت کردنێك

80:27 ئەمجا ڕوواندمان لەناوییدا دانەوێڵە

80:28 وترێ وسەوزە

80:29 وزەیتون ودار خورما

80:30 وباخاتی چڕوپڕو

80:31 میوە ولەوەڕ

80:32 بۆ ژیانی خۆتان وئاژەڵتان

80:33 کاتێك کە شاخە وشریخەی (ڕۆژی دوایی) ھات

80:34 ئەو ڕۆژەی کە مرۆڤ ڕادەکات لە برای

80:35 وە لە دایکی وباوکی

80:36 وە لە ژنی وکوڕەکانی

80:37 ھەموو یەکێك لەوان لەو ڕۆژەدا کارێکی وای ھەیە کە سەر کەسی تری نەپەرژێت

80:38 زۆر ڕوخسار لەو ڕۆژەدا گەش وجوانن

80:39 دەم بە پێکەنین وشادمانن

80:40 وە زۆر ڕوخسار لەو ڕۆژەدا، تەپوتۆزیان بەسەرەوەیە