Маркази тарҷумаи Равод — 537

56:77 Ки ин [гуфтор] Қуръоне гаронқадр аст

56:78 Дар лавҳи маҳфуз қарор дорад

56:79 Ҷуз фариштагони поксират касе [онро намебинад] ба он дастрасӣ надорад

56:80 Аз сӯйи Парвардигори ҷаҳониён нозил шудааст

56:81 Оё ин суханро сабук мешуморед?

56:82 Ва ба ҷойи шукри рӯзиҳое, ки ба шумо дода шудааст, онро дурӯғ мепиндоред?

56:83 Он гоҳ ки [ҷони наздиконатон] ба гулугоҳ мерасад

56:84 Ва шумо дар он ҳангом наззора мекунед

56:85 Ва Мо аз шумо ба ӯ наздиктарем, вале намебинед

56:86 Агар рост мегӯед ва ҳаргиз дар баробари аъмолатон ҷазо дода намешавед [ва қиёмате нест],

56:87 пас, чаро ҷонашро бознамегардонед?

56:88 Аммо агар ӯ дар зумраи муқаррабон бошад

56:89 Дар оромишу кушоиш ва биҳишти пурнеъмат аст

56:90 Ва агар дар зумраи саодатмандон бошад,

56:91 [ба ӯ гуфта мешавад] «Саломат ва амният бар ту бод, ки аз саодатмандон ҳастӣ»

56:92 Аммо агар аз такзибкунандагони гумроҳ [ва дар зумраи тирабахтон] бошад

56:93 бо оби ҷӯшон [аз ӯ] пазироӣ мешавад

56:94 ва ба [оташи] дузах дармеояд

56:95 Ин [ваъдаи подош ва азоб] яқинан ҳақиқат дорад [ва тардиде дар он нест]

56:96 Пас, [эй Паёмбар] бо [зикри] номи Парвардигори бузургат [ӯро] тасбеҳ гӯй

57:1 Он чӣ дар осмонҳо ва замин аст, барои Аллоҳ таоло тасбеҳ мегӯянд; ва Ӯ пирӯзманди ҳаким аст

57:2 Фармонравоии осмонҳо ва замин аз они Ӯст; ҳаёт мебахшад ва марг медиҳад; ва бар ҳар коре тавоност

57:3 Ӯ азалӣ ва абадӣ аст ва пайдо ва нопайдо; ва ба ҳар чизе доност