مۇختەسەر تەفسىر
ذَٰلِكَ جَزَآءُ أَعْدَآءِ ٱللَّهِ ٱلنَّارُ ۖ لَهُمْ فِيهَا دَارُ ٱلْخُلْدِ ۖ جَزَآءًۢ بِمَا كَانُوا۟ بِـَٔايَـٰتِنَا يَجْحَدُونَ ﴿٢٨﴾
بۇ مەزكۇر جازا، يەنى ئاللاھقا كاپىر بولغان ۋە ئۇنىڭ پەيغەمبەرلىرىنى ئىنكار قىلغان ئاللاھنىڭ دۈشمەنلىرىنىڭ جازاسى دوزاختۇر، ئۇلار دوزاختا مەڭگۈ قالىدۇ. بۇ ئۇلارنىڭ ئاللاھنىڭ ئايەتلىرىنى ئىنكار قىلغانلىقى، ئاللاھنىڭ ئايەتلىرى شۇنچىۋالا روشەن ۋە دەلىلى كۈچلۈك تۇرسىمۇ ئىمان ئېيتمىغانلىقىغا قارىتا بېرىلىدىغان جازادۇر.