Мухтасар тафсир
وَإِلَىٰ مَدْيَنَ أَخَاهُمْ شُعَيْبًا ۚ قَالَ يَـٰقَوْمِ ٱعْبُدُوا۟ ٱللَّهَ مَا لَكُم مِّنْ إِلَـٰهٍ غَيْرُهُۥ ۖ وَلَا تَنقُصُوا۟ ٱلْمِكْيَالَ وَٱلْمِيزَانَ ۚ إِنِّىٓ أَرَىٰكُم بِخَيْرٍ وَإِنِّىٓ أَخَافُ عَلَيْكُمْ عَذَابَ يَوْمٍ مُّحِيطٍ ﴿٨٤﴾
Мадиян коомуна (алардын өзүнөн чыккан) бир тууганы Шуайбды жибердик. Ал мындай деди: «О, элим! Жалгыз Аллахка ибадат кылгыла. Силер үчүн Аллахтан башка ибадатка татыктуу зат жок. Адамдарга бир нерсени өлчөп же таразага тартып берген учурда таразадан же чен-өлчөмдөн азайтып алдабагыла. Чынында, мен силерде кенен ырыскы, жакшылыкты көрүп турамын. Андыктан, өзүңөр күнөө кылып Аллахтын жакшылыктарын азайтып албагыла. Чынында мен силердин ар бириңерге келүүчү күндүн азабынан корком. Ал күндүн азабынан качып кутулууга баш калкалоочу жай таба албайсыңар.