الشورى

Ko Allah tagi kammuuli ɗin e leydi ndin, no ɗi anndiranooka. O waɗirani on e pittaali mon ɗin genndooɓe, O waɗani on e gelooɗi ɗin e na'i ɗin e dammi ɗin nooneeji, no ɗi ɗuuɗira fii mon. Himo tagira on e ko O waɗirani on genndiraaɓe kon, O wuurnira on e ko O waɗirani on e tebeeli e ɓira neemoraaɗi mon ɗin. Hay huunde e tagu tagu Makko ngun yerondiraa e Makko. Ko Kanko woni Nanoowo haala jeyaaɓe Makko ɓen, Yi'oowo kuuɗe maɓɓe ɗen; huunde e mun laawotaako Mo. Ma O yoɓitoy ɓe golle maɓɓe ɗen: ko moƴƴi e ko boni.