Cabdullaahi Xasan Yacquub — 598

96:13 13. Bal ka warran hadduu kaasina (gaalka ahi) beeniyo Xaqa, kana jeesado?

96:14 14. Mawuusan ogeyn in Alle arko?

96:15 15. Mayee! Haddii uusan meel joogin, waxaanu hubaal qaban foodda,

96:16 16. Food beenley ah oo gefley ah.

96:17 17. Ha u yeedho golihiisa.

96:18 18. Waxaanu u yeedhi malaa’ig daran.

96:19 19. Mayee, ha adeecin oo sujuud, una dhowow (Alle).

97:1 1. Waxaanu xaqiiq soo dejinnay (Qur’aanka) habeenka Qadarka.

97:2 2. Maxaa ku ogeysiiyey wuxuu habeenka Qadarku yahay?

97:3 3. Habeenka Qadarku wuxuu ka khayr badan yahay kun bilood [1].

97:4 4. Malaa’igta iyo Jabriil baa la soo dega (habeenkaa) Idanka Rabbigood arrin walba oo xukun ah,

97:5 5. Nabad weeye (habeenkaa) ilaa waagu ka baryo [2].

98:1 1. Kuwa gaaloobay oo ka mid ah ehlu Kitaabka (Yuhuudda iyo Nasaarada) iyo mushrikiinta ma ahayn kuwa ka tagaya (gaalnimadooda) intay uga timaado xujada cad.

98:2 2. Rasuul (Muxammad) ka socda xagga Alle oo akhriyaya waraaqo daahir ah.

98:3 3. Ay ku yaallaan xukunno wanaagsan.

98:4 4. Kuwaa la siiyey Kitaabka (Yuhuudda iyo Nasaarada) isma ay khilaafin oo kala tegin kaddib markii mooyaane ay Xujada cad u timid [1].

98:5 5. Lama amrin waxaan aheyn inay caabudaan Alle keliya iyagoo u gooni yeelaya cibaadada oo toosan, iyo inay oogaan salaadda oo bixyaan Zakada, sidaas baana ah diinta toosan.