Cabdullaahi Xasan Yacquub — 590

84:25 25. Hase yeeshee kuwa (xaqa) rumeeyey oo samaha fala waxay leeyihiin abaalgud aan marnaba go’eynin (waa Jannada'e).

85:1 1.Waxaan ku dhaartay samada xiddigaha waaweyn leh iyo (jidadkooda).

85:2 2. Iyo Maalinta ballanta ah (Qiyaamada).

85:3 3. Iyo Mid marag furi oo Nabiga ah iyo kuwo lagu marag furi 'oo ummadda ah.'

85:4 4. Lacnadi ha ku dhacdo qoladii godka lahaa (mu'miniinta lagu caddibo).

85:5 5. Ee ahaa dab olol iyo huritaan badan.

85:6 6. Iyagoo (gaaladu) kor fadhiyeen (godka).

85:7 7. Waxay ka ahaayeen goob joog waxay ku falayeen (oo gardarro ah) Mu’miniinta.

85:8 8. Kuma ay qoonsan wax kale aan aheyn inay rumeeyeen Allaah, Adkaadaha Sharafta leh, Ammaanan.

85:9 9. Ee iska leh Mulkiga (iyo Maamulka) samooyinka iyo arlada! Alle wax walba waa u Jeedaa.

85:10 10. Xaqiiq kuwa caddiba mu’miniinta iyo mu’minooyinka, haddana aan tawbad keenin, waxay mudan cadaab Naar ah, waxayna mudan cadaab gubeysa.

85:11 11. Kuwa (Xaqa) rumeeyey oo samaha fala, waxay leeyihiin beero hoostoodu ay webiyo qulqulaan. Kaasi baa ah Liibaanta Weyn.

85:12 12. Xaqiiq, Qabashada Rabbigaa (Ciqaabtiisu) way daran tahay.

85:13 13. Xaqiiq (Alle) Isagaa uumay (uunka) dibna u soo nooleyn (dhimasho kaddib).

85:14 14. Waana Denbi Dhaaf Badanaha, Jecel (kuwa adeeca).

85:15 15. Ee iska leh Carshiga Sharafta Badan.

85:16 16. Falaha Weyn ee wuxuu Doono.

85:17 17. Ma ku soo gaaray warka ciidammadii,

85:18 18. Fircoon iyo Thamuud?

85:19 19. Kuwase gaalooba waxay ku sugan yihiin beeninta Xaqa.

85:20 20. Allena wuu koobay (oo kama baxsan karaan).

85:21 21. Kani se waa Qur’aan Sharaf Badan.

85:22 22. Oo ku qoran Loox la dhowray (Looxul Maxfuudka).