د رواد د ژباړې مرکز — 600

100:6 بېشکه چې انسان د خپل پالونکي ډېر ناشکره دی.

100:7 او هغه په خپله هم پرې هرومرو شاهد دی.

100:8 او بېشکه هغه د مال په مينه کې ډېر تکړه دی.

100:9 آيا هغه نه پوهيږي کله (به) چې هغه څه راپورته کړی شي کوم چې په قبرونو کې دي.

100:10 او را ښکاره به شي څه چې په سينو کې دي.

100:11 بېشکه په هغه ورځ به يې پالونکی ښه پرې خبر وي.

101:1 (د زړونو) ټکوونکی.

101:2 څه دی (د زړونو) ټکوونکی؟

101:3 او څه پوهه کړې ته چې څه دی (د زړونو) ټکوونکی؟

101:4 هغه ورځ ده چې خلک به د خورو ورو پتنګانو غوندې وي.

101:5 او غرونه به د شيندل شويو رنګه وړيو غوندې وي.

101:6 نو بيا چې د چا تلې درنې شي.

101:7 نو هغه به په خوشحاله ژوند کې وي.

101:8 او د چا چې تلې سپکې شي.

101:9 نو د هغه د ورتګ ځای به ژوره کنده وي.

101:10 او ته څه خبر يې چې هغه څه ده.

101:11 سور اور دی.

102:1 تاسو زياتولو بې پروا کړي ياست.

102:2 تردې چې قبرونو ته ورسېږئ.

102:3 نه داسې نه ده، ژر به تاسي پوه شئ.

102:4 بيا هيڅکله داسې نه ده، ژر به پوه شئ.

102:5 هيڅکله نه، که تاسي په يقيني پوهه پوهېدلای.

102:6 تاسي به هرومرو دوزخ ووينئ.

102:7 بيا به هرومرو د يقين په سترګو هغه ووينئ.

102:8 بيا به هرومرو تاسي په هغه ورځ د (دغو) نعمتونو په اړه وپوښتل شئ.