د رواد د ژباړې مرکز — 595

90:19 او هغه کسان چې زموږ له آیتونو منکر دي همدوی د کيڼ لاس څښتنان دي.

90:20 پر هغوی به ايسار شوی اور (مقرر) وي.

91:1 قسم دی پر لمر او د هغه پر غرمو.

91:2 او پر سپوږمۍ قسم چې ور پسې راشي.

91:3 او په ورځ قسم چې هغه (لمر) څرګند کړي.

91:4 او په شپه قسم چې کله هغه وپوښي.

91:5 او په اسمان قسم او په هغه ذات قسم چې جوړ کړی یې دی.

91:6 او په ځمكه او په هغه ذات چې غوړولې يې ده.

91:7 او پر (انساني) نفس او هغه ذات قسم چې برابر کړی يې دی.

91:8 نو ښودلې یې ده هغه ته لار د بدۍ او د تقوا.

91:9 په رېښتيا هغه څوک بریالی شو چې پاک يې کړ(خپل ځان).

91:10 او په تحقيق سره نامراد زيانمن شو هغه څوك چې پټ يې كړ دغه (نفس په ګناهونو کې).

91:11 ثموديانو په خپله سرکښۍ هغه درواغ وباله.

91:12 کله چې تر ټولو بدمرغه سړي يې ترپ کړل.

91:13 نو د الله رسول ورته وويل پرېږدئ د الله اوښه او د هغې د څښاک نوبت.

91:14 خو هغوی درواغجن وګڼلو او اوښه يې ووژله، بيا نو د هغوی پالونکي سخت عذاب پرې راکوز کړ د هغوی د ګناه له امله يې ټول سره يو برابر کړل.

91:15 او هغه يې له پايلې څخه نه وېريږي.

92:1 قسم دی پر شپه کله چې را خپره شي.

92:2 او په ورځ قسم کله چې رڼا شي.

92:3 او د نارينه او ښځينه په پيدايښت قسم.

92:4 بېشکه ستاسو هڅې راز راز دي.

92:5 نو هغه څوک چې ور یې کړ حق او تقوا یې وکړه.

92:6 او ښه خبره يې رېښتيا وبلله.

92:7 نو خامخا اسانه به کړو هغه لار د اسانۍ.

92:8 او چاچې بخيلي وکړه او (له خپل الله يې) بې پروايي وکړه.

92:9 او ښه خبره يې درواغ وګڼله.