د رواد د ژباړې مرکز — 594

89:23 او په هغه ورځ چې دوزخ هم راوستل شي، په همغه ورځ به انسان ته نصيحت ور ياد شي خو بيا د هغه لپاره پوهېدل څه ګټه نه لري.

89:24 وايي به کاشکي مې د خپل ژوندانه لپاره مخکې را لېږلي وای.

89:25 نو په هغه ورځ به د الله غوندې عذاب هيڅوک هم نه ورکوي.

89:26 او نه به څوک د هغه غوندې تړل کوي.

89:27 اې ډاډمن نفسه (ځانه)!.

89:28 وګرځه د خپل رب لورې ته خوشحاله، خوشحاله کړی شوی.

89:29 بيا زما په (نېکو) بندګانو کې ور ننوځه.

89:30 او زما جنت ته ننوځه.

90:1 زه لوړه کوم پردې ښار (مکه).

90:2 او ته (د هرې کړنې پر کولو) ازاد یې پدې ښار کې.

90:3 او قسم دی په پلار او په هغه چا چې اولاد یې دی.

90:4 بېشکه انسان مو په سختۍ کې پيدا کړی.

90:5 آيا هغه انګېري چې هيڅوک به پرې برلاسی نه شي.

90:6 وايي به ما زښته ډېر مال برباد کړ.

90:7 ايا ګومان کوي چې هيچا هغه نه دی ليدلی.

90:8 آيا هغه ته مو دوې سترګې نه دي ورکړې.

90:9 او يوه ژبه او دوې شونډې.

90:10 او دوې څرګندې لارې مو ورته ښودلې دي.

90:11 خو هغه د سخت پېچومي زيار ونه اېستلو.

90:12 او ته څه خبر يې چې هغه پېچومی څه دی.

90:13 د غاړې خلاصول دي (له غلامۍ څخه).

90:14 او يا د لوږې په ورځ خواړه ورکول دي.

90:15 کوم خپلوۍ والا يتيم ته.

90:16 او په خاورو سپېره کوم بې وزله ته.

90:17 بيا له هغو کسانو وي چې ايمان يې راوړی وي او يو بل ته په زغم او مهربانۍ وصيت کوي.

90:18 دا خلک د ښي اړخ څښتنان دي.