د رواد د ژباړې مرکز — 591

86:1 په اسمان او د شپې په راتلونکي قسم.

86:2 او ته څه خبر يې چې د شپې راتلونکی څه دی.

86:3 ځلېدونکی ستوری دی.

86:4 هيڅوک داسې نشته چې پر هغو دې يو ساتونکی نه وي.

86:5 نو انسان دې وګوري چې له څه پيدا شوی دی.

86:6 له ټوپ وهونکو اوبو پيدا دی.

86:7 چې د شا او سينې د هډوکو له منځه راوځي.

86:8 بېشکه هغه (الله) يې پر بيا پيدا کولو ځواکمن دی.

86:9 په کومه ورځ چې پټ شيان رابرسېره کړل شي.

86:10 بيا به نه څه (خپله زور) لري او نه مرستندوی.

86:11 او قسم دی پر آسمان؛ راګرځیدونکي (په اورښت سره).

86:12 او پر چاودېدونکې ځمکه قسم.

86:13 بېشکه هغه يوه بېلوونکې وينا ده.

86:14 او څه ټوکه او مسخره نه ده.

86:15 بېشکه هغوی چل کوي چل.

86:16 او زه هم تدبیر(پلان) کوم تدبیر.

86:17 نو کافرانو ته مهلت ورکړه او لږ يې پرېږده.

87:1 د خپل ډېر اوچت پالونکي د نوم پاکي دې بيانوه.

87:2 هغه چې پيداکړي او برابر کړي يې دي.

87:3 او هغه چې تقدير يې وټاکلو بيا يې لارښوونه وکړه.

87:4 او هغه چې شنه ګيا يې را واېستله.

87:5 بيا يې وچ تور وګرځول.

87:6 دا دی موږ يې درباندې لولو بيا به يې نه هېروې.

87:7 مګر داچې الله وغواړي بېشکه هغه پر ښکاره هم پوهيږي او پر هغه څه هم چې پټ دي.

87:8 او تا ته به د اسانۍ لار اسانه کړو.

87:9 نو نصیحت وکړه که نصیحت څه ګټه کوي.

87:10 څوک چې وېريږي ژر به هغه نصيحت ومني.