د رواد د ژباړې مرکز — 586

80:41 توروالى به پرې خپور وي.

80:42 همدغه خلك كافران – فاجران دي.

81:1 كله چې لمر ونغښتل شي.

81:2 او کله چې ستوري خړ واوړي.

81:3 او كله چې غرونه روان كړل شي.

81:4 او كله چې لس مياشتینۍ (بلاربې اوښې) خوشې كړل شي.

81:5 او كله چې (وحشي) ځناور سره غونډ كړل شي.

81:6 او كله چې سمندرونه لمبې وكړي.

81:7 او كله چې ساوې (روحونه) جوړه كړاى شي (جسدونو سره).

81:8 او كله چې ژوندۍ خښه شوې جينۍ وپوښتل شي.

81:9 چې په كومه ګناه وژل شوې ده؟

81:10 او كله چې عملنامې پرانيستل شي.

81:11 او كله چې د آسمان پوستكى واړول شي.

81:12 او كله چې د دوزخ لمبې بلې كړى شي.

81:13 او كله چې جنت را نېږدې كړى شي.

81:14 بيا به هركس ته معلومه شي چې څه يې راوړي.

81:15 نو نه، زه پر بېرته پټېدونکو ستورو لوړه كوم.

81:16 پر ګرځېدونكو - پټېدونكو باندې.

81:17 او پر شپه چې كله ولاړه شي.

81:18 او قسم دی پر سهار کله چې سا واخلي.

81:19 چې بېشكه دا د يو عزتمن رسول وينا ده.

81:20 چې زورور (او) د عرش څښتن پر وړاندې مرتبې والا دى.

81:21 هلته ( په پرېښتو كې) د ده خبره منل كيږي - امانتداره دی.

81:22 او ستاسې (دا) ملګرى هم لېونى نه دى.

81:23 او ده هغه په يوه روښانه څنډه كې ليدلى دى.

81:24 او نه هغه (محمد صلی الله عليه وسلم) پر غيبو (رسولو) بخيل دى.

81:25 او نه دا د رټلي شيطان خبره ده.

81:26 نو بيا چېرته ځئ؟

81:27 هغه د ټولو نړيوالو لپاره پرته له نصيحته بل څه نه دى.

81:28 له تاسې څخه د هغه چا لپاره چې غواړي په لاره سم شي.

81:29 او ستاسې په غوښتو څه كېداى شي پرته له دې چې رب العالمين څه وغواړي.