د رواد د ژباړې مرکز — 580

76:26 او د شپې هم سجده ورته كوه او تسبيح يې وايه د شپې په اوږدو كې.

76:27 په رېښتيا دغه خلك بيړنى شى خوښوي او (راتلونكى) درنه ورځ تر شا پرېږدي.

76:28 هغوى خو موږ پيدا كړي او موږ يې اندامونه (بندونه) ورټينګ كړي او كله چې موږ وغواړو په بدل كې به يې نور د هغوى غوندې راولو.

76:29 بېشكه دا يو نصيحت دى، نو د چا چې خوښه وي د خپل پالونکي لوري ته دې لار ونيسي.

76:30 او د الله له خوښې پرته تاسې څه نه شئ غوښتی، په رېښتيا هغه ډېر پوه ځيرك دى.

76:31 چاته يې چې خوښه شي په خپل رحمت كې يې داخلوي او د ظالمانو لپاره يې دردوونكى عذاب چمتو كړى دی.

77:1 په پرله پسې لېږل شوو بادونو باندې قسم.

77:2 بيا پر سختو توپاني چلېدونكو باندې.

77:3 بيا (دورېځو) پرخپروونكو بادونو باندې.

77:4 بيا (د حق او باطل) په بېلوونكو.

77:5 بيا د ذكر (قرآن) پر راښكته كوونكو باندې.

77:6 چې د عذر يا وېرونې په توګه وي.

77:7 بېشكه څه چې درسره ژمنه كيږي هغه هرومرو پېښېدونكي دي.

77:8 نو كله چې ستوري پيکه شي.

77:9 اوکله چې آسمان څيرې کړل شي.

77:10 اوغرونه ميده ميده والوزول شي.

77:11 او هر کله چې د رسولانو وخت پوره کړی شي.

77:12 د كومې ورځې لپاره (دا كار) ځنډول شوى دى؟

77:13 د پريكړې ورځې لپاره.

77:14 او ته څه شي خبركړى يې چې د پريكړې ورځ څه ده؟

77:15 تباهي ده په هغه ورځ درواغ ګڼونكو لره.

77:16 آيا موږ مخکېني نه دي تباه كړي؟

77:17 بيا به وروستني هم ورپسې كړو.

77:18 دغسې کار کوو موږ د مجرمانو سره.

77:19 په هغه ورځ درواغ ګڼونكو لپاره تباهي ده.