Шамсуддин Хакимов — 592

87:11 Шордуу адам болсо андан качат.

87:12 Ал эбегейсиз чоң отко кире турган киши.

87:13 Ал анын (тозоктун) ичинде же өлө албайт же жашай албайт!

87:14 Ким (ыйман менен) тазарган болсо, ал ийгиликке жетти!

87:15 Жана Раббисинин ысымын эскерип, намаз окуса ( - ийгиликке жетти).

87:16 Силер (эй, каапырлар!) дүйнө жашоосун (Акыреттен) жогору койосуңар!

87:17 Бирок, Акырет (жашоосу) жакшы жана түбөлүк!

87:18 Чынында, бул (айтылгандар) абалкы (ыйык) барактарда да бар эле.

87:19 Ибрахимдин жана Мусанын барактарында.

88:1 (Оо, Мухаммад!) сага Ороп алуучунун кабары келдиби?[1]

88:2 Ал Күндө (каапыр) жүздөр коркууда(н кубарып, жер карайт).

88:3 (Тозоктогу кишендерден) чарчаган, кыйналган абалда...

88:4 кызыган отко кирет!

88:5 (Аларга) кайнаган булактан суу ичирилет!

88:6 Алар үчүн (тозокто) тикенден башка тамак жок![1]

88:7 (Ал) семиртпейт жана тойдурбайт!

88:8 Ал күндө (ыймандуу) жүздөр шат-куунак!

88:9 (Бул дүйнөдөгү адал, сооп) иш-аракеттерине ыраазы!

88:10 Жогорку бейиште!

88:11 Анда маанисиз сөздөрдү укпайт.

88:12 Анда агып тураган булактар,

88:13 бийик сөрүлөр,

88:14 (ичишке даярдап) коюлган чөйчөктөр,

88:15 сап-сап тизилген жаздыктар

88:16 жана төшөлгөн килемдер бар!

88:17 Алар (Каапырлар) карашпайбы, төөнүн кандай жаратылганына?!

88:18 Асмандын кандай көтөрүп коюлганына...,

88:19 Тоолордун кандай сайып коюлганына...,[1]

88:20 Жана жердин кандай жайып коюлганына?[1]

88:21 (Оо, Мухаммад) эскерткин! Анткени, сен эскертүүчүсүң![1]

88:22 Сен аларга үстөмдүк кылуучу эмессиң!