Шамсуддин Хакимов — 585

80:1 (Пайгамбар) кабагын бүркөп, жүзүн буруп алды,[1]

80:2 алдына (маселе сурап) сокур киши келгенде.

80:3 (Оо, Мухаммад!) Сен кайдан билесиң, ал (сокур киши жаман кулк-мүнөздөрдөн) тазадыр!

80:4 Же болбосо, (Аллах тааланы) эскерээр, анан эскермеси ага пайда берээр?!

80:5 Ал эми, муктаж эмес адам(дар келгенде)

80:6 сен ошо(лор)го бурулуп алдың!

80:7 (Бирок), алардын тазарбай (ыйманга келбей) калуусуна сен жоопкер эмессиң.

80:8 Ал эми, сага чуркап келген (сокур ) адам…

80:9 (Аллахтан жана кыямат күндөн) коркот эле.

80:10 Сен андан алагды болуп калдың!

80:11 Жок! (Оо, Мухаммад! Эми андай кылбагын!) Бул (аяттар сага Аллах тарабынан) эскерме-сабак.

80:12 Ким кааласа – аны эскерет.[1]

80:13 (Аяттар Лавхул Махфуз деп аталган) Улук Барактар да,

80:14 (Лавхул Махфуз) Таза–Пакиза (жана кадыр баркы) Жогору.

80:15 (Жана) периштелердин колунда.

80:16 (Алар) Өтө улук, аябай таза (ишенимдүү)

80:17 Наалаты инсан! Аны эмне (мынчалык) аша чапкан каапырга айлантты?!

80:18 Ал (Аллах) аны эмнеден жаратты эле?!

80:19 Бир тамчы (бел) суудан жараткан! Анан аны(н жаралуу баскычтарын өлчөп,) тагдыр кылган.

80:20 Андан кийин (бул дүйнөгө келгенде) ага жолдорду[1] оңой кылып берди.

80:21 Андан соң анын жанын алып, мүрзөгө койду.

80:22 Андан соң Өзү каалаган кезде (кыяматта) кайрадан тирилтип алат.

80:23 Жок! Ал өзүнө (Аллах) буюрган парыздарды эч аткарбады!

80:24 Эми, инсан (бой көтөрө бербей) өзүнүн тамак-ашына карабайбы?![1]

80:25 Сууну (асмандан) мол-көл кылып мына Биз жаадырдык!

80:26 Андан соң жерди жарып,

80:27 (ар түрдүү) данды (жана өсүмдүктөрдү) өндүрдүк:

80:28 жүзүмдөрдү, көк чөптөрдү,

80:29 зайтундарды, курмаларды,

80:30 коюу бактарды,

80:31 мөмө-жемиштерди, жашылчаларды.

80:32 Силер жана чарба айбандарыңар пайдалангыла деп.

80:33 Эми, качан (кулактарды) тундуруучу (кыяматтагы) айкырык (Сур кернейинин экинчи тартылуусу) келгенде...,

80:34 Ал күнү киши өзүнүн ага-инисинен качып калат.

80:35 Апасы менен атасынан дагы.

80:36 Аялы менен балдарынан дагы!

80:37 (Анткени) ал күнү ар бир адам үчүн аны (башкаларга) көңүл бурдурбай коё турган (өтө оор) абал болот!

80:38 Ал күнү (ыймандуу) жүздөр албырып,

80:39 күлүп-жайнап, кубанычтуу!

80:40 (ыймансыз) жүздөрдү ал күндө чаң-тозон каптап,