محمد صالح بامۆکی — 590

84:25 بەڵام ئەوانەی کە بڕوایان ھێناوە وکردەوە باشەکانیان کردووە، بۆ ئەوان ھەیە پاداشتی بێ بڕانەوە

85:1 سوێند بە ئاسمانی خاوەن بورجەکان

85:2 وە بەو ڕۆژەی کە بەڵێنی پێدراوە

85:3 وە بەھەموو بینەرو بینراوێك(یا شایەت وشایەتی لەسەر دراو یا ڕۆژی ھەینی وڕۆژی عەرەفە)

85:4 بەکوشت چن خاوەن چاڵەکان (لە غەمەکان)

85:5 ئەو ئاگرەی خاوەن سووتەمەنی (و بڵێسەیە)

85:6 کاتێک کە ئەوان دانیشتبوون بەدەوری (ئاگرەکە) دا

85:7 وە ئەوان سەیری ئەوەیان دەکرد کە دەیان کرد بە بڕوادارەکان

85:8 وە ئەم سزایەش ھەر لەبەر ئەوە دەدران کە بڕوایان ھێنابوو بەخوای بەدەسەڵاتی سوپاسکراو

85:9 ئەوخودایەی کە موڵکی ئاسمانەکان وزەویی بۆ ئەوە، وە خوا ئاگادارە بەسەر ھەموو شتێکدا

85:10 بەڕاستی ئەوانەی کە ئازاری پیاو وژنە بڕوادارەکانیان داو لەپاشان پەشیمان نەبوونەوە، ئەوە بۆ ئەوان ھەیە سزای دۆزەخ، وە سزای(ئاگری) سوتێنەر

85:11 بێگومان ئەوانەی بڕوایان ھێناو کردەوە چاکەکانیان کرد، بۆ ئەوان ھەیە بەھەشتانێك کە جۆگە ئاوی زۆر دەڕوات بەژێریاندا، ئا ئەوەیە سەرکەوتنی گەورە

85:12 بەڕاستی دەست وەشاندنی پەروەردگاری تۆ زۆر سەختە

85:13 بێگومان ھەر ئەوە کە لەسەرەتاوە(مرۆڤ) دروست دەکات و(دوای مردنیش) زیندووی دەکاتەوە

85:14 وە ھەر ئەوە لێبووردە ومیھرەبان

85:15 خاوەنی عەرش وبەرزو پایەدار

85:16 ھەرچیەکی بیەوێت دەیکات

85:17 ئایا پێت گەیشتووە باس وبەسەرھاتی لەشکرەکانی

85:18 فیرعەون وسەموود

85:19 بەڵکو ئەوانەی کە بێ بڕوا بوون ھەمیشە لە بە درۆ زانینی (قورئان) دان

85:20 وە خواش(بە دەسەڵات و زانینی) لە پشتیانەوە دەوری داون

85:21 بەڵکو ئەوەی(کە بەدرۆی دەزانن) قورئانێکی گەورە وبەڕێزە

85:22 لە لـەوحێـکی پـارێزراو دایە (کە پێی دەوترێت لوح المحفوظ)