محمد صالح بامۆکی — 588

83:5 لە ڕۆژێکی گەورەدا

83:6 ڕۆژێك کە خەڵك لەبەردەم پەروەردگاری جیھانیاندا دەوەستن

83:7 با پەشیمان بنەوە، چونکە بەڕاستی نامەی تاوانباران لە ناو دەفتەرێکی پەستی ڕەشدایە

83:8 تۆ چوزانیت ئەو دەفتەرە چیە

83:9 دەفتەرێکی نوسراوە

83:10 ھاوار لەو ڕۆژەدا بۆ بێ بڕوایان

83:11 ئەوانەی کە بڕوا ناکەن بەڕۆژی پاداشت دانەوە

83:12 کەس ئەو ڕۆژە بە درۆ نازانێت مەگەر ھەموو ستەم کارێکی گوناھبار

83:13 ھەر کاتێك کە ئایەتەکانی ئێمەی بۆ بخوێنرێتەوە دەڵێ(ئەمانە) ئەفسانەی پێشینانن

83:14 نەخێر وانیە بەڵکو ژەنگی ئەو(خراپانەی) کە دەیانکرد پەردەی ھێناوە بەسەر دڵیاندا

83:15 نەخێر بەڕاستی ئەوان لەو ڕۆژەدا، بێ بەشن لە بینینی پەروەردگاریان

83:16 لە پاشان بێگومان ئەوان دەچنە دۆزەخەوە

83:17 ئەمجا پێیان دەووترێت ئەمە ئەوەیە کە بڕواتان پێ نەدەکرد

83:18 بەڕاستی نامەی (کرداری) چاکەکاران لەناو دەفتەرێکی بەرزدایە

83:19 تۆ چوزانییت ئەو دەفتەرە بەرزە چیە؟

83:20 دەفتەرێکی نوسراوە

83:21 نزیکانی خودا دەیبینن

83:22 بێگومان چاکەکاران لە ناز ونیعمەتدان

83:23 لەسەر تەخت وبارەگاوە سەیر دەکەن

83:24 دەبینیت لە ڕوخساریاندا جوانی وگەشاوەیی خۆشگوزەرانی

83:25 شەرابی پاکی سەر بەمۆریان پێ دەدرێ بیخۆنەوە

83:26 کە دوا قومی بۆنی میسکە، بۆ ئەوە با پێشبڕکێ بکەن پێشبڕکێ کاران

83:27 تێکەڵ کراو لە ئاوی تەسنیمە

83:28 کانییەكە کە نزیك کراوەکان لێی دەخۆنەوە

83:29 بێگومان ئەوانەی کە بەدکار بوون پێ دەکەنین بەوانەی کە بڕوایان ھێنا بوو

83:30 وە کاتێك کە بەلایاندا بڕۆشتنایە چاویان لێ دادەگرتن

83:31 وەکاتێکیش بگەڕانایەتەوە بۆ لای ماڵ ومنداڵیان، بە پێکەنین وگاڵتەکردن (بە بڕوادارانەوە) دەگەڕانەوە

83:32 وە کاتێکیش بیانبینینایە ئەیانووت: ئەمانە گومڕان

83:33 لە کاتێکدا کە(ئەوان) بە چاودێر نە نێرراون بۆ سەر بڕواداران (تا ئەم قسەیە بکەن)