محمد صالح بامۆکی — 569

70:11 کە نیشانی یەکتری دەدرێن، تاوانبار ئاوات دەخوازێت کە (قوربانی) بدایە لەبری ڕزگار بوونی خۆی لە سزای ئەو ڕۆژە بە کوڕەکانی

70:12 بەژن وبە براکانی

70:13 بە ھـۆزەکەشیەوە کە پەنایان دەدا

70:14 وە بە ھەرچی کەس لەسەر زەویە (ھەمووی بدایە و) لەپاشان ھەر خۆی ڕزگاری ببێت

70:15 نەخێر (وا نیە) بەڕاستی ئاگری دۆزەخ بە بڵێسەیە

70:16 داماڵێنەری پێستی سەرە

70:17 (ئەو ئاگرە) بانگی کەسێك دەکات کە پشتی ھەڵکردبێ لە خواو ڕووی وەرگێڕابێت

70:18 وە سامانی کۆ کردبێتەوە وھەڵی گرتبێت

70:19 بێگومان ئادەمی دروست کراوە بە چاو چنۆکێکی تەنگەتیلکە

70:20 کە ناخۆشیەكی تووش ببێت ھاوار وناڵە دەست پێ دەکات

70:21 کە خێر وسامانیش ڕووی تێ بکات ئەی گرێتەوە (لە خەڵکی)

70:22 جگە نوێژگەران نەبێت

70:23 ئەوانە کە بەردەوامن لەسەر نوێژەکانیان

70:24 ئەوانەی کە بەشێکی دیاریكراو لە ماڵ وسامانیاندا ھەیە (تەرخانكراوە)

70:25 بۆ ھەژاری داواکەر وبێ نەوای داوانەکەر

70:26 وە ئەوانەی کە باوەڕیان بە ڕۆژی پاداشت ھەیە

70:27 وە ئەوانەی کە لە سزای پەروەردگاری خۆیان دەترسن

70:28 چونکە بەڕاستی سزای پەروەردگاری ئەوان کەس لێی دڵنیا نیە

70:29 وە ئەوانەی کە ئاگاداری داوێنی خۆیان دەکەن

70:30 لەگەڵ ژنانی خۆیان نەبێت یا کەنیزەکێك کە بووبن بە خاوەنیان، بێگومان ئەوانە لۆمە کراو نین

70:31 ئەمجا ھەر کەسێك دوای شتی تر بکەوێت، ئەو کەسانە ئەوانەن کە دەست درێژکەرن

70:32 وە ئەوانەی کە چاودێری سپاردە وپەیمانی خۆیان دەکەن

70:33 وە ئەوانەی کە شایەتی خۆیان بە تەواوی دەدەن

70:34 وە ئەوانەی کە پارێزگاری نوێژیان دەکەن

70:35 ئەوانە (کە باس کران) ڕێز دەگیرێن لە باخاتی بەھەشتدا

70:36 دەی چیانە ئەو بێ بڕوایانە (کە تۆ دەرئەکەویت ئەی موحەممەد ﷺ) بەپەلە دێن بۆ لات

70:37 لەلای ڕاست وچەپتەوە دەستە دەستە دەبن

70:38 ئایا ھەموو یەکێك لەوان بەتەمایە کە بخرێتە بەھەشتی پڕ لە ناز ونیعمەتەوە

70:39 وا نیە: (وەك بەتەمان) بەڕاستی ئێمە درووستمان کردوون لەوەی کە دەیزانن

70:40 جا سوێند بە پەروەردگاری ڕۆژھەڵاتەکان وڕۆژئاواکان، بێگومان ئێمە بە دەسەڵاتین