محمد صالح بامۆکی — 536

56:51 پاشان ئێوە ئەی گومڕایانی بێ باوەڕان

56:52 بێگومان لە(بەری) درەختی ژەقنەمووت (دەخۆن)

56:53 جا وورگی خۆتانی لێ پڕدەکەن

56:54 ئەمجا ئاوی کوڵاوی بەسەردا دەخۆنەوە

56:55 دەی خۆنەوە وەکو خواردنەوەی (حوشترانی) تینوو

56:56 ئەمە میوانداری ئەوانە لە ڕۆژی قیامەتدا

56:57 ئێمە دروستمان کردون ئەی بۆ بڕوا ناکەن (بەزیندوو بوونەوە)

56:58 جا پێم بڵێن ئەو ئاوەی کە دەیڕێژنە ناو منداڵدانەوە؟

56:59 ئایا ئێوە دروستی دەکەن؟ یان ئێمەین بەدی ھێنەرینی؟

56:60 ئێمە لەناوتاندا مردنمان‎ داناوە، وەکەس پێش دەسەڵاتی ئێمە ناکەوێ

56:61 (بەدەسەڵاتین) کە لەجیاتی ئێوە نەوەی تر بھێنین وە دروستتان بکەینەوە بەشێوەیەك کەھیچی لێ نازانن

56:62 سوێند بەخوا بێگومان ئێوە لەبەدیهێنانی یەکەمی ئاگادارن ئیتر بۆ بیرناکەنەوە

56:63 جا پێم بڵێن ئەو تۆوەی کەدەیچێنن

56:64 ئایا ئێوە دەیڕوێنن؟ یائێمەین دەیڕوێنین؟

56:65 ئەگەر بمان ویستایە ئەو (ڕواوە)مان دەگێڕا بە پووش و کا، ئەمجا دەستان دەکرد بەقسەی بێ کەڵك

56:66 (دەتانـووت) بەڕاستی زەرەرلێکەوتوو ئێمەین

56:67 بەڵکو ئێمە لە ڕزق وڕۆزی بێ بەشین

56:68 جا پێم بڵێن ئەو ئاوەی کەدەیخۆنەوە

56:69 ئایا ئێوە لە ھەورەکانەوە دەیبارێنن یا ئێمە دەیبارێنین

56:70 ئەگەر بمان ویستایە دەمانکرد بەئاوێکی زۆر سوێری تاڵ، ئیتر بۆ سوپاسی خوا ناکەن

56:71 پێم بڵێن ئەو ئاگرەی کە دایدەگیرسێنن

56:72 ئایا ئێوە دارەکەیتان بەدیهێناوە؟ یائێمە بەدیهێنەرینی؟

56:73 ئێمە ئەو (ئاگرە)مان کردووە بەھۆی یادخەرەوە(ی ئاگری دۆزەخ) وە (کردومانەتە) ھۆی کەڵک لێ وەرگرتن بۆ گەشتیاران

56:74 جا کەواتە یاد وتەسبیحاتی پەروەردگاری گەورەی خۆت بەپاکی بکە

56:75 جا سوێند بێت بەشوێنی (ھەڵھاتن وئاوابوونی) ئەستێرەکان

56:76 بەڕاستی ئەم سوێندە ئەگەر بزانن سوێندێکی زۆر گەورەیە