محمد صالح بامۆکی — 264

15:32 (خوا) فەرمووی ئەی ئیبلیس بۆ چی تۆ لەگەڵ سوژدە بەراندا نەبوویت؟!

15:33 (ئیبلیس) ووتی: من ھیچ کاتێ سوژدە نابەم بۆ بەشەرێک کە دروستت کردووە لە قوڕێکی ڕەشی ترشاوی ڕەق

15:34 (خوا پێی) فەرموو دەلەوێ (بەھەشت) بڕۆ دەرەوە چونکە بەڕاستی تۆ لە بەزەیی من دەرکراوی

15:35 وە بەڕاستی نەفرینت لەسەرە تاڕۆژی دوایی

15:36 ووتی ئەی پەروەردگارم دەی مۆڵەتم بدە ھەتا ئەو ڕۆژەی (مردووان) زیندوو دەکرێنەوە

15:37 (خوا) فەرمووی ئەوە بەڕاستی تۆ لە مۆڵەت دراوانی

15:38 تا ڕۆژێ کە کاتی دیاریکراوە

15:39 ووتی ئەی پەروەردگارم لەبەر ئەوەی گومڕات کردم بێگومان خۆشی (دونیا) یان لە زەویدا بۆ دەڕازێنمەوە وە بەڕاستی ھەموویان گومڕا دەکەم

15:40 بەندە دڵسۆزەکانت نەبێت

15:41 (خوا) فەرمووی ئەمە ڕێگای ھەق و ڕاستە بەرەو من

15:42 بەڕاستی بەندەکانی من تۆ ھیچ دەسەڵاتت نیە بە سەریاندا جگە لەو گومڕایانەی کەشوێنت کەوتوون

15:43 وە بێگومان دۆزەخ جێگای ھەموویانە

15:44 (دۆزەخ) حەوت دەرگای ھەیە ھەر دەرگایەکیشیان لەوانە دابەش کراوە بۆ چەند بەشێک

15:45 بەڕاستی خۆپارێزو لە خواترسان لەناو باخات و کانیاودان

15:46 (پێیان دەووترێت) بچنە ناویانەوە بەھێمنی و ئاسوودەیی

15:47 ھەر ڕق و کینەیەک لە دڵیاندا بووبێت دەرمان ھێناوە برای یەکترن بەرامبەر یەکترن لەسەر کورسی دانیشتوون

15:48 لەوێدا ماندوو بوونیان تووش نایەت و ھەرگیز لەو (بەھەشتە) دەرناکرێن

15:49 ھەواڵ بدە بە بەندەکانم کە بەڕاستی ھەر من لێبوردە و میھرەبانم

15:50 وبێگومان ھەر سزای منە سزای سەخت

15:51 وە ھەواڵیان پێ بدە دەربارەی میوانەکانی ئیبراھیم